அடிமைத்தனம், மன அழுத்தம், கவலையில் இருந்து விடுதலை

18 மாதங்களுக்கு முன்பாக ஒரு விபத்தில் என்னுடைய பாய் பிரண்டை இழந்துவிட்டேன். அவனுடைய மரண செய்தியை நான் கேட்ட பொழுது, நான் முற்றிலுமாய் தளர்ந்து உடைந்து போனேன். என்னால் சுவாசிக்க முடியாமல் இருப்பதையும் என் சரீரம் அசைவில்லாமல் இருப்பதையும் உணர்ந்தேன். நான் வீட்டுக்கு வந்த போது நேரடியாக என்னுடைய படுக்கை அறைக்கு சென்று வேதாகமத்தை வாசித்தேன் ஆனால் வாசிக்கும் பொழுது அதை என்னுடைய அறையில் ஏறிந்து விட்டு, உரத்த சத்தமாக, எப்படி தேவன் என் பாய் பிரண்டை மரிக்க அனுமதிக்கலாம்? என்று கத்தினேன். அந்த நேரத்திலிருந்து, கிறிஸ்தவ குடும்பத்தில் வளர்ந்திருந்தும் தேவனுடைய சகல அற்புதங்களையும் அறிந்திருந்தும் நான் தேவனை விசுவாசிப்பதை நிறுத்தி விட்டேன்.

அந்த வருடம் பள்ளி படிப்பை முடித்ததும், நான் மதுபானம் மற்றும் நிக்கோடைனுக்கு அடிமைப்பட்டேன். நான் தற்கொலைக்கு முயற்சி செய்து எனக்கு நானே ஒவ்வொரு இரவும் அதிகப்படியான தூக்க மாத்திரைகளையும் மற்ற மாத்திரைகளையும் உட்கொள்ள ஆரம்பித்தேன். வாழ்வதற்கு இனி எந்த அர்த்தமும் இல்லை என்று எண்ணினேன். என்னுடைய நண்பர்கள் மற்றும் குடும்பத்தோடு எனக்கு இருந்த உறவை நான் பொருட்படுத்தவில்லை. இறந்து போன என்னுடைய பாய் பிரண்டை குறித்து கர்த்தர் சொப்பனங்களிலும் தரிசனங்களிலும் என்னோடு கூட பேசினார்.

என்னுடைய பாய் பிரண்ட் பரலோகத்தில் இருப்பதை காண்பித்தார். ஓர் இரவு, ஆராதனை பாடல்களை பாடிக் கொண்டிருக்கும் பொழுது நான் தேவனுடைய பிரசன்னத்தை உணர்ந்தேன். நான் மறுபடியுமாக தேவனை கண்டு கொண்டேன் ஆனாலும் அவளுடன் நான் எனது உறவு என்னும் சீராகவில்லை.

கிறிஸ்மஸ் ஷாப்பிங் செய்து கொண்டிருக்கும் பொழுது ஜோசப் பிரின்ஸ் அவர்களின் No More Mind Games என்ற புத்தகத்தை ஒரு கிறிஸ்தவ புத்தக கடையில் பார்த்தேன். அந்த புத்தகத்தை வாங்கும் படி உணர்த்தப்பட்டேன் ஆனால் அதை நான் வாசிக்கவே இல்லை. அடுத்த வருடம் என்னுடைய பல்கலைக்கழக படிப்புகளை துவங்கினேன் மறுபடியுமாக ஒவ்வொரு இரவும் பார்ட்டி பண்ணிக்கொண்டு மதுபானம் மற்றும் நிக்கோட்டின் பழக்கத்திற்கு உள்ளானேன். தவறான நட்புகளை ஏற்படுத்திக் கொண்டு சபைக்கு போவதை நிறுத்தி விட்டேன். இதில் எந்த பிரச்சினையும் இல்லை என்று எனக்கு நானே பொய் சொல்லிக் கொண்டேன்.

அப்பொழுது COVID 19 தாக்கத்தால் நாடு முழுவதும் அடைக்கப்பட்டது. என்னுடைய பெற்றோர் என்னிடத்தில் ஏதோ ஒரு தவறு இருக்கிறது என்பதை எனக்கு சொல்ல, ஒவ்வொரு நாள் காலையும் குடும்பமாக வேத பாட நேரத்தை எடுத்துக் கொள்ள நாங்கள் தீர்மானித்தோம். அப்பொழுது நான் No More Mind Games புத்தகத்தை இறுதியாக வாசிக்க ஆரம்பித்தேன், வாவ், அது என் வாழ்க்கையை மாற்றினது!

நான் இயேசுவை காணவும் அறிந்து கொள்ளவும் அவருடைய அற்புதமான வாக்குத்தத்தங்களையும் அவர் எனக்காக வைத்திருக்கிற நல்ல திட்டங்களையும் புரிந்து கொள்ள ஆரம்பித்தேன். அவருடைய கிருபையை குறித்தும் அவர் என்னுடைய பாவங்களுக்காக சிலுவையில் மரித்த போது எனக்கு அருளின மேலான ஈவை குறித்தும் நான் கற்றுக் கொண்டேன். என்னுடைய பழைய பழக்க வழக்கங்களை விட்டு விட்டு என்னுடைய மன அழுத்தம் வேதனை வலியிலிருந்து நான் சுகம் பெற்றேன்.

ஒவ்வொரு நாளும் நான் தேவனுடனான உறவில் வளர்ந்து கொண்டு வருகின்றேன். மேலும் அவரைக் குறித்து இன்னும் பல புதிய காரியங்களை கற்றுக் கொண்டும், அறிந்து கொண்டும் வருகிறேன். என் ஆவி கொழுந்துவிட்டு எரிகிறது, தேவனைக் குறித்து அதிகமாக கற்றுக் கொள்ளவும் தியானிக்கவும் பசி உள்ளவளாக இருக்கிறேன். இப்போது நான் பாஸ்டர் பிரின்ஸ் அவர்களின் The Power of Right Believing என்ற புத்தகத்தை வாசித்துக் கொண்டிருக்கிறேன், அதில் கிறிஸ்தவ முறைப்படி வாழ்வதும் என்னால் சிறந்த நிலையில் ஒவ்வொரு நாளும் வாழ்வதையும் குறித்த சத்தியங்களை அறிந்து கொண்டு வருகிறேன்.

இன்னமும் காலம் சென்ற என்னுடைய பாய்பிரண்ட் குடும்பத்தாருக்காக நான் ஜெபித்து வருகிறேன் அவர்கள் அவர்களுக்கான தேவனுடைய திட்டத்தை கண்டு அவரிலும் அவருடைய நேரத்திலும் நம்பிக்கை உள்ளவர்களாக இருக்க ஜெபிக்கிறேன். ஆமென்!

பாஸ்டர் பிரின்ஸ் நீங்களும் உங்கள் ஊழியங்களும் ஆசீர்வதிக்கப்பட்டிருப்பீர்களாக. இயேசுவுக்குள் என்னுடைய சிறப்பான வாழ்க்கையை வாழ என்னை உற்சாகப்படுத்தியதற்காக உங்களுக்கு நன்றி!