மன அழுத்தம் மற்றும் தற்கொலை எண்ணங்களில் இருந்து விடுதலை

பல வருடங்களாக மன அழுத்தத்தினால் போராடிக் கொண்டிருந்தேன். ஆனால் 2020 எனக்கு மிகப் பெரிய இருண்ட காலமாக இருந்தது. நான் ஆக்ரோஷமான புயலின் அலைகளில் அலசரிப்படுவது போல உணர்ந்தேன். கோவிட் 19 பேரிடர் காலத்தின் அதிகப்படியான பாதிப்பு ஏற்பட மக்களுடைய அன்பில் இருந்து பிரிக்கப்பட்டேன். ஒன்றன்பின் ஒன்றாக எதிர்மறையான சூழ்நிலைகளால் நான் தாக்கப்பட்டேன். அது நிமித்தம் என் இருதயம் முற்றிலும் தோய்ந்து போனது.

நான் மன அழுத்தத்தில் மூழ்கி இருந்தேன். மாபெரும் வேதனை என்னை பின்தொடர்ந்தது. அது மரணிக்கும்படி தேவனை நோக்கி வேண்டுதல் செய்யும் அளவிற்கு தள்ளினது. நான்கு மாதங்கள் ஒவ்வொரு நாளும் அழுது கொண்டே இருந்தேன். சில நேரங்களில் பலமுறை அப்படி சம்பவித்தது. என் படுக்கையை விட்டு எழுந்து பல் துலக்குவதற்கும் சாப்பிடுவதற்கும் குளிப்பதற்கும் கடினமாக இருந்ததை கவனித்தேன். எப்படியோ நான் எழுந்து அன்றாட வேலைகளை செய்ய முற்பட்டேன். இருப்பினும் அதில் எனக்கு எந்த அர்த்தமும் காணப்படவில்லை. அந்த வேதனை என்னை விட்டு முடிவு பெறும்படியாக விரும்பினேன். என் மனநிலை மிகவும் மோசமடைய நான் மரித்துக்கொண்டிருப்பது போல உணர்ந்தேன்.

எப்போது எல்லாம் சரியாக மாறினது என்று எனக்கு தெரியாது. ஆனால் ஆறு மாதங்களுக்குப் பிறகு நான் பாஸ்டர் ஜோசப் பிரின்ஸ் அவர்களின் Give me this mountain என்ற புத்தகத்தை வாசிக்க ஆரம்பித்தேன். முதலில் நான் யார் என்று தேவன் சொல்லுவதையும் அவருடைய வாக்குத்தத்தங்கள் எல்லாம் தனிப்பட்ட ரீதியில் எனக்கு உரியவைகள் என்பதையும் பார்த்தபொழுது அதை நம்புவது கடினமாக இருந்தது. அதை தொடர்ந்து பற்றி கொண்டு நான் அந்த புத்தகத்தை வாசித்த பொழுது என் மனம் மாற ஆரம்பித்தது.

நான் என் மீதும் என்னுடைய சூழ்நிலைகளின் மீதும் தேவனுடைய தகப்பனின் இருதயத்தின் அன்பையும் மனதுருக்கத்தையும் அதிகம் அதிகமாய் பார்க்க ஆரம்பித்தேன். என்னை முழுமையாக அவர் நேசிப்பதை நான் உணர்ந்தேன். இந்த உறவுகள் திரும்ப மீட்டுக் கொள்ளப்பட முடியாத அளவுக்கு போய்விட்டது என்று நான் நினைத்த உறவுகளை தேவன் மீட்டுக் கொடுத்தார். தேவன் என்னை ஆசீர்வதித்து, வேலை ஸ்தலத்தில் தகுதியற்ற எனக்கு தயவு கிடைக்கும்படி செய்தார். அவர் நம்பத்தக்கவர் என்பதையும் அவரால் செய்யக்கூடாத காரியம் ஒன்றும் இல்லை என்பதையும் அவர் எனக்கு காண்பித்தார்.

திடீரென்று நான் வேதாகமத்தில் வாசித்த ஒவ்வொரு வாக்குதத்துவங்களை சுதந்தரிப்பதையும் என்னுடைய சூழ்நிலைகளின் மீது அவற்றை அறிக்கை செய்வதையும் அவர் என்னுடைய சமாதானத்திற்கும் என்னுடைய உணர்ச்சிகள் மற்றும் இருதயத்தின் சுகத்திற்காகவும் அவர் சிலுவையில் மரித்து விலைகிரயம் செலுத்தினார் என்பதை விசுவாசிப்பதை கண்டேன். இயேசுவை எவ்வளவு அதிகமாக கண்டேனோ அவ்வளவாக எனக்குள் காணப்பட்டதான தவறான நம்பிக்கைகள் என்னை விட்டு அகன்று போவதை பார்த்தேன்.

அதன் பின்பு நான் மனசோர்வு அடையவில்லை என்பது மட்டுமல்லாமல் சந்தோஷத்தினால் நிரம்பி இருந்தேன் என்பதையும் பகிர்ந்து கொள்வதில் நான் மகிழ்ச்சி அடைகிறேன்! நான் முழுமையாக மன்னிக்கப்பட்டு இருக்கிறேன் என்பதையும் நான் கிறிஸ்துவுக்குள் தேவனுடைய நீதியாய் இருக்கிறேன் என்பது என்னுடைய கிரியைகளினாலோ கீழ்ப்படுதலனாலோ அல்ல என்பதையும் கேட்கும்பொழுது எனக்குள் இருந்த பாரமும் மன அழுத்தமும் எளிதாக அகலுவதாய் இருக்கிறது. இப்போது இயேசுவை குறித்து அதிகமாக கேள்விப்படுவதற்கு நான் பசி தாகத்தோடு காணப்படுகிறேன். Texas Grace Revolution சபையில் அங்கமாக இருப்பதினால் நான் மெய்யாகவே ஆசீர்வதிக்கப்பட்டிருக்கிறேன். தேவனுக்கே துதி உண்டாவதாக. உமக்கு நன்றி இயேசுவே.