தேவன் குடும்பத்தின் தேவைகளை சந்தித்தார்

ஒரு மாதத்திற்கு முன்பாக, என்னுடைய மகள் அவளது வேலையில் இருந்து பணி நீக்கம் செய்யப்பட்டாள். என் கணவர் பணிபுரிந்து வந்த அந்த நிறுவனமானது வருடத்தின் துவக்கத்தில் அவர்கள் அந்த நிறுவனத்தை மூடப் போவதாக அறிவித்திருந்தார்கள். என்னுடைய பின்புற காயத்தினால் நானும் வேலை இல்லாதவளாக காணப்பட்டேன். எல்லாம் இருண்டதாக காணப்பட, எங்களுடைய தேவைகளை எப்படி சந்திக்கப் போகிறோம் என்று தெரியாமல் நான் கவலைப்பட்டேன்.

நான் பாஸ்டர் பிரின்ஸ் அவர்களுடைய பிரசங்கங்களை தொடர்ந்து கேட்டுக் கொண்டிருந்தேன். அவை இயேசு கிறிஸ்துவின் மீது கவனம் செலுத்தும்படிக்கு, அவர் எனக்காக சிலுவையில் செய்த காரியங்களை நினைவுபடுத்தினது. அந்தப் பிரசங்கங்கள் நான் என்னுடைய தேவைகளை அவர் தமது கிருபையினாலே சந்திப்பார் என்பதை விசுவாசிக்கும்படி உற்சாகப்படுத்தினது. எனவே நான் தொடர்ந்து ஜெபிக்கவும், கர்த்தரை துதிக்கவும் ஆரம்பித்தேன். என்னுடைய கவலைகளுக்கு பதிலாக சமாதானத்தின் சிந்தனை எனக்கு உண்டாயிற்று.

ஒரு நாள் அந்நிய பாஷையில் ஜெபித்தல் என்பதை குறித்ததான பாஸ்டர் பிரின்ஸ் அவர்களுடைய செய்தியை நான் கேட்டேன். அன்றைக்கு நான் ஆவியில் ஜெபிக்கும் வரத்தை பெற்றுக் கொண்டேன். நான் ஆவியில் அந்நியபாஷையில் ஜெபிக்க ஆரம்பித்தேன் என்னுடைய சூழ்நிலைகளைக் கடந்து ஒரு சமாதானம் என்னை ஆட்கொள்வதை நான் உணர்ந்தேன்.

அதன் பிறகு அபிஷேக தைலம் என்கிறதான பிரசங்கத்தையும் நான் கேட்டேன். நான் தொடர்ந்து என்னுடைய மகளின் தலையணை, மேஜை, அவளுடைய அறையின் கதவுகளில் எண்ணை பூசி ஜெபித்துக் கொண்டிருந்தேன். அவளுக்கு வேலை இல்லாமல் இருந்தாலும் கூட , அவள் சந்தோஷமாகவே இருந்தாள். தொடர்ந்து பல நேர்முக தேர்வுகளில் பங்குபெறும் சிலாக்கியம் பெற்றாள். அந்த மாதம் முடிவதற்குள்ளாகவே, என்னுடைய மகளுக்கு நல்ல வேலை கிடைத்தது.

இப்பொழுது என் மகள் வேலைக்கு திரும்பி இருக்கிறாள். இந்த பேரிடர் காலத்தில் அவளுக்கு ஒரு வேலை கிடைத்தது முற்றிலும் தேவனுடைய கிருபையே என்பதை நான் அறிந்திருக்கிறேன். அது மாத்திரமல்ல, என்னுடைய பின் பகுதியில் உண்டான பலவீனத்திலிருந்து நான் சுகத்தை பெற்று எந்தவித இடையூறுமின்றி படுக்கையை விட்டு எழுந்து நடக்க பெலன் பெற்றிருக்கிறேன். என்னுடைய கணவனின் நிறுவனத்திலும் இவர் வேலை இழந்து போகாதபடிக்கு இவருக்கென்று புதிய காரியங்களை ஏற்படுத்தி தருவதாக வாக்களித்து இருக்கிறார்கள்.

எல்லாத் துதியும் கனமும் தேவனுக்கே உண்டாயிருப்பதாக.