திருமணம் நன்மைக்கேதுவாக மாறினது

எனது சிறுவயது முதல் என்னுடைய குடும்பத்தில் நாங்கள் பாவம் செய்யும்போது அதற்கான தண்டனையை அனுபவிப்போம் என்று எங்களுக்கு கற்றுத் தரப்பட்டது. எங்கள் குடும்பம் சமாதானமாக இல்லை ஒவ்வொரு வாரமும் எங்கள் பெற்றோருக்கு இடையே சண்டைகள் நடந்து கொண்டே இருக்கும். அதிகமாக இருவரும் வன்முறையில் ஈடுபடக்கூடிய அச்சுறுத்தல் ஏற்பட ஆரம்பிக்கும். சிறு பிள்ளையாக, எனக்கு அது மிகப்பெரிய அச்சத்தை ஏற்படுத்தினது.

நான் வளர்ந்து வந்தபோது நான் திருமணம் செய்து கொண்ட எனது கணவர் அதிகமாக கோபப்படுகிற நபரா இருந்தார். திருமண பந்தத்தில் நான் தனிமையை உணர்ந்தேன். காரணம் என் கணவர் அவ்வப்போது சில நேரங்கள் மட்டும் வீட்டிற்கு வருவார், குறிப்பாக காலை நேரங்களில் அவர் வீடு திரும்பி கடந்து செல்வார். சில சமயங்களில் மன அழுத்தத்தோடு தற்கொலை எண்ணம் கொண்டிருந்திருக்கிறேன்.

ஒரு நாள் என்னுடைய சிநேகிதியை நான் சந்தித்தபோது அவர்கள் அப்போது தங்கள் பிள்ளைகளை சபைக்கு அழைத்து வர ஆரம்பித்திருந்தார், ஆகவே என்னுடைய பிள்ளைகளோடு கூட நானும் அவர்களோடு சபைக்குப் போக வேண்டும் என்று உந்தப்பட்டேன். அந்த ஞாயிற்றுக்கிழமை வெளியே செல்வதற்கு முன்பாக என் கணவருக்கும் எனக்கும் சபைக்குப் போவதை குறித்து மிகப்பெரிய வாக்குவாதம் உண்டானது. நான் வெளியே வந்த போது அவரிடத்தில் இருந்து ஒரு குறுஞ்செய்தியை பெற்றேன், என்னை அது ஆச்சரியப்படுத்தினது. என் கணவரும் என்னோடுகூட சபைக்கு வர வேண்டும் என்று விரும்பினார்!

2013 ல், நாங்கள் தவறாமல் New Creation திருச்சபையில் கலந்து கொள்ள ஆரம்பித்தோம். ஆரம்ப நாட்களில் என்னுடைய கணவனார் தொடர்ந்து சண்டை போட்டுக்கொண்டே இருப்பார். இருப்பினும் ஒருமுறை என்னுடைய தியான நேரத்தில் என் கணவருக்காக ஜெபிக்கும்படி நான் உந்துதல் பெற்றேன்.

கர்த்தர் எனக்கு அவர் எங்களுடைய உறவின் மூன்றாவது பங்காளராக இருக்கிறார் என்பதை காண்பித்தார். நாம் தேவன் மீது கவனம் செலுத்தி அவருடனான உறவில் வளரும் பொழுது நம் துணைவரோடு இருக்கிற உறவில் இன்னும் நெருக்கமாக முடியும் என்பதை அறிந்து கொண்டேன்.

நான் பாஸ்டர் பிரின்ஸ் அவர்களின் போதனைகளை கேட்டு அதை என் வாழ்க்கையில் அப்பியாசப்படுத்தினேன். அப்பொழுது எங்களுடைய திருமணத்தில் அற்புதங்கள் நிகழ ஆரம்பித்தது. என்னுடைய கணவரின் கடினமான இருதயம் மென்மையாக மாறினதை புரிந்து கொண்டேன். கர்த்தர் என்னை நேசிப்பதினிமித்தம் என் பெற்றோருக்கு நடந்த சம்பவம் எனக்கு நடக்காது என்பதை நான் விசுவாசிக்க ஆரம்பித்தேன்.

இன்றைக்கு என் கணவரும் நானும் சந்தோஷமான திருமண பந்தத்தில், இருவரும் இணைந்து தொடர்ந்து குழந்தை வளர்ப்பதில் செயல்பட்டு வருகிறோம். தேவ ஞானத்திற்காக அவருக்கு நன்றி செலுத்துகிறேன். பாஸ்டர் பிரின்ஸ், New Creation Church, உங்களுக்கு எனது நன்றிகள்.