நேர்த்தியான வேலைக்கான ஜெபத்திற்கு பதில் கிடைத்தது, குடும்பம் ஒன்றிணைந்தது

பாஸ்டர் பிரின்ஸ், என்னுடைய நண்பனின் பரிந்துரையின் பேரில் உங்களுடைய செய்திகளை நான் கேட்க ஆரம்பித்தேன். முதலில் எனக்கு வித்தியாசமாக இருந்தது, ஆனால் அவை என்னுடைய ஆவியோடு கலந்து விட்டது. அதை இன்னும் அதிகமாக கேட்காமல் என்னால் இருக்க முடியவில்லை.

கிறிஸ்துவுக்குள் நமது சுதந்திரங்களை சுதந்தரித்தல் மற்றும் முதலாவது நம்முடைய குடும்பத்தை நாம் சுதந்தரிப்பதை குறித்த உங்களது பிரசங்கம் என்னுடைய ஆத்துமாவின் ஆழத்திற்கு சென்றது. இது என்னுடைய மனைவியும் நானும் என்னுடைய வேலையை ராஜினாமா செய்து விட்டு திரும்ப எங்களுடைய இடத்திற்கு செல்லும்படியாக தீர்மானிக்க செய்தது. இது நிமித்தம் நாங்கள் ஒன்றாக குடும்பமாக இணைந்து ஒரே இடத்தில் வசிக்க ஏதுவாக இருந்தது.

என்னுடைய வேலையை ராஜினாமா செய்வது மிகவும் கடினமானதாய் இருந்தது ஏனென்றால் என் வேலையை நான் அதிகமாக நேசித்தேன். ஆனால் இதினிமித்தம் எனக்குள்ளாக ஒரு சமாதானம் காணப்பட்டது. நான் சரியான தீர்மானத்தை எடுக்கிறேன் என்பதையும் சகலமும் நேர்த்தியாக நடக்கும் என்பதையும் குறித்த ஒரு நிச்சயத்தை எனக்கு அளித்தது.

என்னுடைய ராஜினாமாவிற்கு பிறகு நான் பலதரப்பட்ட நேர்காணல்களில் பலதரப்பட்ட நிர்வாகிகளை சந்தித்தேன். இருப்பினும் அவர்கள் எனக்கு கொடுத்த சலுகைகள் மிகவும் குறைந்தபட்சமாகவும் அவர்கள் எனக்கு நிர்ணயத்த வேலை நேரங்கள் என் குடும்பத்தோடு போதிய நேரத்தை செலவிட முடியாதபடியும் காணப்பட்டது. அது எனக்கு மன உளைச்சலை தந்தது. ஆனால் உங்கள் வலைத்தளத்தில் துதியின் அறிக்கைகளை வாசிக்கும்போது, கிறிஸ்துவுக்குள்ளான என் நீதியை அறிக்கை செய்யும்பொழுதும் இயேசு என்னுடைய ஞானமும் என் தேவைகளை சந்திக்கிறவருமாய் இருக்கிறார் என்பதை பிரகடனம் பண்ணுவதும், எனக்கு சரியான கண்ணோட்டத்தின் மனப்பான்மையை அளித்தது. அவை எனக்குள் இருந்ததான மன உளைச்சலையும் பாதுகாப்பற்ற உணர்வையும் நீக்கிவிட்டது.

என்னுடைய ராஜினாமாவிற்கு பிறகு ஐந்து மாதங்கள் கழித்து உங்களுடைய ஊழியத்திற்கு, கர்த்தர் எனக்கு அவர் நியமித்த நல்ல உத்தியோகத்தை தரும்படியாக ஜெபிக்கும்படியான ஜெப விண்ணப்பத்தை எழுதி இருந்தேன். எனக்கான நேர்த்தியான வேலையை குறித்ததான பரிசோதனை பட்டியல் என் மனதில் இருந்தது. அப்படிப்பட்ட ஒரு வேலையை நான் பெற்றுக் கொள்வேன் என்பதை விசுவாசித்தேன். அது செய்து முடிக்கப்படும் என்பதற்காக நான் இயேசுவுக்கு நன்றி செலுத்தினேன் ஏனென்றால் அவரது நிபந்தனையற்ற அன்பை நான் அறிந்திருந்தேன்.

அதைத்தொடர்ந்து வந்த மாதத்தில் ஒரு மல்டிநேஷனல் நிறுவனத்தில் இருந்து எனக்கு நேர்காணலுக்கான அழைப்பு வந்தது. எனக்கு ஆச்சரியமாக இருந்தது. ஏனென்றால் அந்த குறிப்பிட்ட நிறுவனத்தில் ஒன்பது ஆண்டுகளுக்கு முன்பாக நான் விண்ணப்பம் போட்டிருந்தேன். நான் நேர்காணலுக்கு சென்றபோது இந்த வேலை எனக்கு தேவனால் கொடுக்கப்பட்டது என்பதை உடனடியாக அறிந்து கொண்டேன்.

இன்றைக்கு ஏற்ற நேரங்களில் என்னால் வேலை செய்ய முடிகிறது அதற்கேற்ற நல்ல ஊதியமும் எனக்கு கிடைக்கிறது. எனக்கு அநேகம் விடுமுறை நாட்களும் அளிக்கப்பட்டிருக்கிறது. அது மாத்திரமல்ல தேவன் என்னுடைய விண்ணப்பத்தை கேட்டு சாதாரண நிலையில் நேர்த்தியாய் வேலை செய்ய பெலன் தந்திருக்கிறார். என்னுடைய பட்டியலில் இருந்த சகலத்தையும் எனக்கு அளித்திருக்கிறார். மெய்யாகவே எனக்கு முக்கியமாக தோன்றுகிறவகைகள் அவருக்கும் முக்கியமானவைகளாக காணப்படுகிறது.

எல்லாவற்றிற்கும் மேலாக இயேசுவை குறித்ததான உங்களுடைய செய்திகளும் வார்த்தையை நேர்த்தியாக பிரித்து காண்பிப்பதும் நான் நேசிக்கப்படுகிறேன் என்ற உணர்வை எனக்கு தந்தது. வேதாகமம் பயத்திற்கு பதிலாக தேவனுடைய அன்பின் ஊற்றாய் மாறினது. நான் இனி ஒருபோதும் மன பாரத்தோடு கவலையோடு அல்லது பயத்தோடு இருக்க அவசியம் இல்லை. என் வாழ்வின் ஒவ்வொரு பகுதிகளிலும் நான் செழிப்படைக்கிறேன். சுவிசேஷத்தை பிரசங்கிக்கும்படி கர்த்தர் உங்களை வல்லமையாய் பயன்படுத்துவதற்காக ஆண்டவராகிய இயேசுவுக்கு நான் நன்றி செலுத்துகிறேன்.