13 வருட முயற்சிக்குப் பிறகு பெண் குழந்தையினால் ஆசீர்வதிக்கப்பட்டோம்

மே 2019 ல், பாஸ்டர் பிரின்ஸ் அவர்களுடைய பிரசங்கத்தை கேட்டுக் கொண்டிருந்தேன், அப்பொழுது அவர் குறிப்பாக, இதை கேட்டுக் கொண்டிருக்கிற ஒருவருக்கு அடுத்த வருடத்திற்குள்ளாக மலட்டுத்தன்மையின் நிலையில் ஒரு விடுதலை உண்டாகும் என்று கூறியிருந்தார். அந்த சமயத்தில் எனக்கும் என் கணவருக்கும் திருமணமாகி 13 வருடங்கள் ஆகியிருந்தும் எங்களால் கருத்தரிக்க இயலாமல் இருந்தது.

என்னுடைய கணவனார் எங்கள் திருமண வாழ்க்கையில் அன்று வரைக்கும் தொடர்ந்து தனக்கு ஒரு பிள்ளை பிறக்கும் என்றும் அது பெண் பிள்ளையாக இருக்கும் என்றும் விசுவாசித்து உறுதியாக இருந்தார். ஆனால் பலமுறை ஏற்பட்ட கருத்தரிப்பு சோதனைகளில் தோல்வி அடைந்ததினால் தேவன் நான் ஒரு பிள்ளை பெற்றுக் கொள்வதை விரும்புகிறார் என்ற விசுவாசத்தை இழந்தவளாக காணப்பட்டேன்.

எங்கள் திருமண பந்தத்தின் ஆரம்ப நாட்களில் தேவன் நாங்கள் தங்குவதற்கு ஒரு வீட்டை கொடுத்து பிள்ளையை பராமரிப்பதற்கான சூழலை உருவாக்காமல் கர்த்தர் எங்களுக்கு ஒரு குழந்தையை கொடுப்பதில்லை என்று சொல்லி ஜெபித்துக் கொண்டிருந்தேன். அப்படி நான் ஜெபித்தது நிமித்தமாக தேவன் எங்களுக்கு பிள்ளையை கொடுக்கவில்லை என்று நான் நினைத்துக் கொண்டேன். என்னுடைய வேண்டுதலின் நிமித்தமாக எனக்குள்ளாய் ஒரு குற்ற உணர்வு உண்டாகியிருந்திருக்கும் என்று நீங்களும் நினைக்கலாம்.

பாஸ்டர் பிரின்ஸ் அவர்களுடைய தீர்க்கதரிசனத்தை கேட்டபோது, என்னுடைய நாள்காட்டி குறிப்பில் ஒரு வருடம் கழித்ததான தேதியை குறித்துக் கொண்டேன். அதன் பின்பு நான் அதை மறந்து விட்டேன். 2019 டிசம்பரில், “விண்ணப்பம் பண்ணினேன் நான் கர்த்தரிடத்தில் கேட்ட என் விண்ணப்பத்தை எனக்கு கட்டளையிட்டார்.” (1 சாமுவேல் 1:27) என்ற வசன பலகையைப் பார்த்தேன். அந்த கிறிஸ்துமஸ் நாட்களில் அதை வாங்கி என் கணவருக்கு பரிசாக கொடுக்க அதை எங்கள் படுக்கை அறையில் மாட்டி வைத்திருந்தோம்.

மார்ச் 2020ல், நான் கர்ப்பமாக இருக்கிறேனா என்று பரிசோதித்தபோது அது ஆம் என்ற பதிலை எனக்கு தந்தது. உடனடியாக நான் பாஸ்டர் பிரின்ஸ் அவர்களின் தீர்க்கதரிசனத்தை நினைவுகூர்ந்து தேவன் உண்மையுள்ளவராய் இருக்கிறதற்காக அவரை துதித்தேன். நவம்பர் 2 2020ல் எங்கள் மகள் எஸ்மி ஐவா பிறந்தாள்! அதோடுகூட நான் என்னுடைய வேலையை விட்டுவிட்டு வீட்டில் தங்கி பிள்ளையை பராமரிக்கும் தாயாக இருப்பதற்கும் எங்களுக்கு சாத்தியமாயிற்று. தேவன் நாங்கள் நினைப்பதற்கும் மேலான விதங்களில் எங்களுடைய எல்லா ஜெபங்களுக்கும் பதில்களை தந்து நடத்த உண்மை உள்ளவராய் இருக்கிறார்.

உங்கள் ஊழியத்தின் மூலம் தேவனுடைய வார்த்தையை பகிர்ந்து கொண்டதற்கு உங்களுக்கு நன்றி பாஸ்டர் பிரின்ஸ்.