மோசமான பாடத்தில் என் மகன் சிறந்து விளங்குகின்றான்

சிறிது காலம், unmerited favor என்ற புத்தகத்தை வாசிப்பதை நான் நிறுத்திவிட்டேன். ஆனால் சமீபத்தில், திரும்பவும் அந்த புத்தகத்தை என் கையில் எடுத்தேன். நான் எந்த பகுதியில் நிறுத்தினேனோ அங்கிருந்து வாசிக்க ஆரம்பித்தேன். அங்கு பாஸ்டர் பிரின்ஸ் தாவீது எப்படி கோலியத்தை வீழ்த்தினான் என்பதை குறித்து எழுதி இருந்தார்.

அந்த சமயத்தில், நான் என்னுடைய மகனுக்கு அவனுடைய தேர்வுக்கு ஆயத்தம் செய்ய உதவிக் கொண்டிருந்தேன். அந்த அத்தியாயம் தேவன் என்னோடு பேசுவதுபோல இருந்தது. அதுவரைக்கும் என்னுடைய மகனுக்கு கணக்கு பாடம் கடினமானதாக இருந்தது, அவன் அதில் சிறப்பற்றவனாகவும் இருந்து வந்தான். சொல்லப்போனால் இரண்டு நாட்கள் கழித்து வருகின்ற கணித பரிட்சையில் அவனுக்கு தன்மீது சற்றேனும் நம்பிக்கை இல்லாத நிலையில் இருந்தான்.

அந்த அத்தியாயத்தை வாசித்த பிறகு என் மகன் தாவீதைப் போல இருப்பதையும் அவனது கணக்குப் பாடம் அவனுக்கு கோலியாத்தை போல இருப்பதையும் நான் உணர்ந்தேன். கர்த்தருடைய சேனை தன் பக்கம் இருக்கிறது என்பதை ஒருவேளை என்னுடைய மகன் அறிக்கை செய்தால் அவனால் அவனது கோலியாத்தை மேற்கொள்ள முடியும் என்று நான் நம்பினேன்.

அன்று இரவு நான் பரவசத்தோடு இருந்தேன். இது என்னுடைய மகனுக்கு ஒரு திருப்புமுனையாக இருக்கும் என்று தேவன் எனக்கு சொல்லுவதாக நான் உணர்ந்தேன். பின்னிட்டு பார்க்க இடமில்லை, வருகின்ற நாட்களில் அவன் மேலான வெற்றியை அனுபவிப்பான் என்று நம்பினேன்.

அடுத்த நாள் நான் அதிகாலமே எழுந்து பாஸ்டர் பிரின்ஸ் அவர்களுடைய அனுதின தியான புத்தகத்தை வாசித்தேன். அன்றைக்கு தியான பகுதியில் தாவீது கோலியாத்தை வீழ்த்துகின்ற மற்றொரு கண்ணோட்டம் சொல்லப்பட்டிருந்தது. இது தற்செயலாய் நடந்தது அல்ல என்பதை உடனடியாக அறிந்து கொண்டேன். என் மகனோடுகூட தேவன் இருக்கிறார் என்பதையும் அதனால் அவன் இந்த தேர்வை சிறப்பாக எழுதுவான் என்பதையும் நான் நம்பினேன்.

என்னுடைய மகனின் தேர்வுக்கு முந்தின இரவு, நான் வாசித்த தியான பகுதியை அவனோடு பகிர்ந்து கொண்டு அவன் பயப்படாமல் இருக்கும்படி அவனுக்கு சொல்லி, ஏதேனும் கேள்விகளுக்கு பதில் அளிப்பதில் அவனுக்கு பிரச்சனை இருந்தால் தேவனை நோக்கி பார்க்கும்படி அவனை உற்சாகப்படுத்தினேன்.

மறுநாள் அவனுடைய தேர்வு முடிந்த பிறகு, என் மகன் எப்படி உணருகிறான் என்பதை என்னிடத்தில் அவன் சொல்லவில்லை. ஆனால் பரீட்சையின் நேரத்தில் தத்தளித்து நின்ற நிலையில் அவன் தேவனை நோக்கி உதவும்படி கேட்டதாக மட்டும் என்னிடம் கூறினான்.

பரீட்சை முடிவுகள் வந்தபொழுது நான்கு பாடங்களில் என்னுடைய மகன் அவனுடைய கோலியாத்தாக இருந்த கணித பாடத்தில் அதிக மதிப்பெண்கள் பெற்றிருந்தான். இயேசுவுக்கே சகல மகிமையும் உண்டாவதாக!

என் மகன் சற்றும் அதை எதிர்பார்க்கவில்லை. கர்த்தராகிய இயேசு நல்ல தேவன். அவர் என்னுடைய மகனின் மோசமான பாடத்தை அவனது சிறந்த பாடமாக மாற்றிவிட்டார்.

இப்போது என் மகன் கணிதத்தில் நான் சிறப்பானவன் அல்ல, எனக்கு வராது என்று சொல்லுவதை நான் கேட்பதே இல்லை. உண்மையில் அவனைப் பொருத்தவரைக்கும் எந்தெந்த கேள்விகளுக்கெல்லாம் தேவனிடம் உதவியை கேட்டானோ அவை அனைத்தும் சரியாகவே இருந்திருக்கிறது. நிச்சயமாகவே, நம்முடைய கர்த்தராகிய இயேசு நாம் கூப்பிடும் தூரத்தில் இருக்கிறார், மேலும் இயேசு எப்படி இருக்கிறாரோ அப்படியே என்னுடைய மகனும் இருக்கிறான். தேவனோடுகூட என் மகன் நிச்சயமாகவே வெற்றியுள்ளவனாக காணப்படுகிறான்.