தேவனுடைய கிருபையை சார்ந்து கொண்ட பிறகு வியாபாரத்தில் முன்னேற்றம் உண்டானது

நான் ரியல் எஸ்டேட் துறையில் சேர்ந்தபோது ஒரு விற்பனையை நேர்த்தியாக முடிப்பது எனக்கு கடினமாக இருந்தது. நான்கு மாதங்களுக்குப் பிறகும் எனக்கு எந்தவித வருமானமும் இல்லை. வாராந்திர விற்பனை கூட்டங்கள் எனக்கு மிகவும் மன அழுத்தத்தை தந்தது, எனவே நான் நம்பிக்கையற்றவனாய் ஏமாற்றம் நிறைந்தவனாய் காணப்பட்டேன்.

நான் காலையில் எழும்பும்போது தேவனை குற்றப்படுத்தினேன். எதுவும் நடக்கவில்லை என்றால் நான் எல்லாவற்றையும் விட்டுவிடுவேன் என்று அவரிடம் சொன்னேன். நான் ஜெபித்தேன், காத்திருந்தேன், நம்பிக்கையோடு இருந்தேன், இருப்பினும் மீண்டும் மீண்டுமாக ஏமாற்றத்தையே சந்தித்தேன். இந்த கடுமையான சுழற்சியானது தொடர்ந்து நடந்துகொண்டே இருக்க நான் வெற்றியுள்ள விற்பனையாளராக இருப்பேன் என்கிற நம்பிக்கையை முற்றிலுமாக இழந்து விட்டேன்.

நான் தொடர்ந்து காத்திருந்தபோதிலும், நான் ஜெபிக்கவும் விடாமுயற்சியோடு இருக்கவும் கற்றுக் கொண்டேன். தேவனுடைய கிருபையினாலே விற்பனையாளராக எனக்குள் இருந்த சிறு சிறு தோல்விகளை மேற்கொள்ள ஆரம்பித்தேன். சந்தை வெளி பற்றியும் நான் எங்கே முன்னேற வேண்டும் என்பதையும் கற்றுக் கொள்ள ஆரம்பித்தேன்.

நான் ஜோசப் பிரின்ஸ் ஊழியங்களுக்கு எனது ஜெப விண்ணப்பத்தை அனுப்பி தேவனுக்காக காத்திருந்தேன். இந்த காலகட்டத்தில் நான் தொடர்ந்து வேலை செய்து கொண்டிருந்தேன். ஆனால் இப்போது அதிக இளைப்பாறுதலோடு இருந்தேன். தேவன் என் மூலமாக கிரியை செய்ய அனுமதித்தேன், அவர் எனக்கு தமது ஞானத்தை அருளி என் கையின் கிரியைகளை ஆசீர்வதிக்கிறார் என்கிற விசுவாசத்தோடு இருந்தேன்.

அதுமட்டுமல்ல, விரக்தியான உணர்வோடு வேலை செய்வதை நிறுத்திவிட்டேன். யுத்தம் அவருடையது என்பதையும் என்னுடைய சொந்த கைகளால் நான் மிகப்பெரிய பட்டயத்தை கொண்டு போராடினாலும் அதில் பிரயோஜனம் இல்லை என்பதையும் நம்பினேன். 100% நான் தேவனை சார்ந்து கொண்டேன். ஏனென்றால் அவர் மூலமாக மட்டுமே ஜெயம் நிச்சயமாய் வரும்.

வெகுவிரைவில் இரண்டு வாரங்களுக்குள்ளாக நான் இரண்டு மடங்காக விற்பனையை முடித்தேன். அது அந்த மாதத்திற்கான என்னுடைய இலக்கின் 50 சதவீதத்தை அடையும்படி செய்தது.

இவற்றில் நான் கற்றுக்கொண்ட மேலான பாடம் என்னவென்றால் தேவன் மாத்திரமே வெற்றியைத் தர முடியும். நம்முடைய சொந்த பலத்தினாலே நாம் எதையும் கட்டாயப்படுத்தி அடையும்படி செயல்பட முடியாது. மாறாக நாம் இளைப்பாறுதலோடு சந்தோஷமான இருதயத்தோடு அமர்ந்திருந்து வெற்றியை காண முடியும். ஏனென்றால் தேவன் உண்மையுள்ளவராய் இருக்கிறார். தேவன் நாம் நம்முடைய சுயபுத்தியின்மேல் சாயாமல் முழு இருதயத்தோடும் அவரை நம்பும்படியாக விரும்புகிறார்.

இப்போது நான் வேலைக்கு செல்வதற்கு முன்பாக ஒவ்வொரு காலையிலும் தேவனோடு பேசுகிறேன். மேலும் பாஸ்டர் பிரின்ஸ் அவர்களுடைய அனுதின தியானத்தை ஒவ்வொரு மணி நேரமும் வாசித்து சமாதானத்தையும், என்னை நானே தேவனுடைய கிருபையின் மையத்தில் வைத்துக்கொள்வதையும் பார்த்துக் கொள்கிறேன். அவை என்னுடைய அன்றாட வாழ்வில் சமாதானத்தோடும் சிறப்பாற்றலோடும் இருக்க உதவுகிறது.

பாஸ்டர் பிரின்ஸ், தேவனுடைய கிருபையை பற்றிய உங்களுடைய செய்திக்காக நன்றி. 2013 நீங்கள் பிரசங்கித்ததை கேட்டதிலிருந்து என்னுடைய வாழ்க்கை முற்றிலுமாக அற்புதமாக மாற்றமடைந்து இருக்கிறது. எனக்காக ஜெபித்த உங்களுடைய குழுவினருக்கும் என்னுடைய நன்றியை தெரிவித்துக் கொள்கிறேன்.