முடி கொட்டுதல் இல்லை முடி வளர ஆரம்பித்தது

சில மாதங்களுக்கு முன்பாக நான் ஜோசப் பிரின்ஸ் அவர்களின் செய்தியை பார்த்துக் கொண்டிருந்தேன். அந்த நேரத்தில், நான் சற்று சோர்வோடும் தனிமையிலும் இருப்பதை உணர்ந்தேன். தன்னுடைய செய்தியின் முடிவில் ஜோசப் சுகத்தை தீர்க்கதரிசனமாக உரைக்க ஆரம்பித்தார். அவர் சொன்ன ஒரு காரியம் என் கவனத்தை ஈர்த்தது. ஒவ்வொரு நாளும் கை நிறைய தனது முடி கொட்டுவதினால் வருத்தத்தோடு கவலைப்படுகிற உங்களை தேவன் சுகமாக்க விரும்புகிறார் என்று சொல்லி, தலை பகுதி சுகமாக அவர் ஜெபித்தார்.

என்னுடைய காதுகளை என்னால் நம்ப முடியவில்லை. ஏனென்றால் நான் அந்த சூழ்நிலையில் தான் இருந்தேன்! எனக்கு அழுத்தத்தினிமித்தமாக சரும பிரச்சனை இருந்தது அது ஒவ்வொரு நாளும் அதிகப்படியான முடி கொட்டும்படியாக செய்தது என்னுடைய தலையில் முடியே இல்லாமல் போய்விடுமோ என்ற அச்சம் ஏற்பட ஆரம்பித்தது. ஜோசப் அவர்கள் ஜெபிக்கும்பொழுது நான் என்னுடைய கரத்தை என் தலையின் மேல் வைத்து அந்த சுகத்தை பெற்றுக் கொண்டேன். என்னுடைய அறையில் தேவ பிரசன்னம் நிரம்பி இருந்ததை உணர்ந்தேன்.

சில நாட்களுக்குப் பிறகு என்னுடைய தலைப்பகுதி அரிப்பு நின்று விட்டது, இப்பொழுது எனக்கு அதிகப்படியான முடி கொட்டுதல் இல்லை. இன்றைக்கு முடி கொட்டுவது முற்றிலுமாக குறைந்து என்னுடைய முடி திரும்பவும் வளர ஆரம்பித்திருக்கிறது!

இது அருமையான சுகம் அளித்தலின் சாட்சியாக இருக்கிறது. அதற்காக நான் தேவனை துதிக்கிறேன். எனக்கு கிடைத்த உண்மையான சுகம் என்பது கர்த்தர் என்னை எவ்வளவு கரிசனையோடு பார்க்கிறார் என்றும், அவர் அந்த திரையின் ஊடாக பாஸ்டர் பிரின்ஸ் மூலமாக என்னை தொட்டார் என்பதை அறிந்து கொள்வதாக இருந்தது. அந்த ஆண்டு முழுவதும் வீட்டில் வேலை செய்த பிறகு நான் தனிமையில் இருப்பதை உணர்ந்தேன், ஆனால் அவர் என்னை அறிந்திருக்கிறார் என்னைப் பார்க்கிறார்.

சிங்கப்பூர்லிருந்து சுவிட்சர்லாந்து வரைக்கும் தேவன் என் மீதான தம்முடைய அன்பை காட்டுவதற்கு எந்தவித தடையும் அதை தடுக்கவில்லை.