மனைவி குழந்தைகளோடு மீண்டும் ஒன்றுசேர்ந்தேன்

நான் ஒரு கிறிஸ்தவ டிவி சேனலில் பாஸ்டர் பிரின்ஸின் செய்திகளை கேட்கத் தொடங்கினேன். சில நாட்களுக்குப் பிறகு, பரிசுத்த ஆவியானவர் என்னை பாஸ்டர் பிரின்ஸின் Grace Revolution என்ற புத்தகத்தைப் படிக்க வழிநடத்தினார்.

அந்த நேரத்தில், விவாகரத்திற்குப் பிறகு நான் தனியாக வாழ்ந்துவந்தேன், ஆண்டவரின் வழிகாட்டுதலைத் தேடி கொண்டிருந்தேன். குற்ற உணர்ச்சியிலும் அவமானத்திலும் முழ்கியிருந்ததால், பரலோகத் தகப்பனின் அன்பை அனுபவிக்க முடியவில்லை.

Grace Revolution புத்தகத்தை படித்த பிறகு, எனக்கு இயேசுவை இன்னும் அதிகமாக வேண்டும் என்று தோன்றினது. நான் பாஸ்டர் பிரின்ஸின் மற்றொரு புத்தகமான 100 Days of Right Believing என்பதையும் பெற்றுச் சென்றேன். அந்தப் புத்தகத்தைப் படித்து முடித்தபோது, தேவனுடைய ஆவியானவர் என்னை என் குடும்பத்திற்குத் திரும்பி போகும்படி கூறினார்.

ஆச்சரியமென்னவென்றால், என் முன்னாள் மனைவி, எங்கள் குழந்தைகளுடன் நானும் விடுமுறைக்கு செல்லும்படி எனக்கும் ஒரு டிக்கெட் வாங்கியிருந்தார் — ஆனால் விடுமுறைக்கும் மேலாக, தேவன் எங்களுக்காக பெரிதான ஒன்றை வைத்திருந்தார் என்பதை அறிந்துகொண்டோம். இன்றைக்கு, எங்கள் குடும்பம் மீண்டும் ஒன்றிணைந்து மகிழ்ச்சியாக இருக்கிறோம். தேவன் எங்கள் வீட்டை மீண்டும் கட்டி வருகிறார்!

இவை அனைத்தும் என்னுடைய 57வது வயதில் ஜூப்ளி ஆண்டில் சம்பவித்தது. தேவனின் மேலான கிருபையால், என் வாழ்க்கையின் ஒவ்வொரு பகுதியிலும் முழுமையான மீட்பின் நிலை உண்டாக காத்திருக்கிறேன். அவருடைய முடிக்கப்பட்ட கிரியையை என் வாழ்க்கையில் வெளிப்படுத்த அவர் கிரியை செய்யும்படி அனுமதித்து சாந்தமாக இருக்க கற்றுக்கொண்டிருக்கிறேன்.

பாஸ்டர் பிரின்ஸ், தேவனின் கிருபையையும், நீதியின் வரத்தையும், இளைப்பாறுதலையும் பிரசங்கித்ததற்கு நன்றி. 20 ஆண்டுகளுக்கு மேலாக விசுவாசியாக இருந்தபோதிலும், இயேசுவின் அன்பை இவ்வளவு உண்மையாக அனுபவித்ததே இல்லை. உங்கள் செய்தி ஜீவியங்களை மாற்றி, மக்களை தேவனின் ஆசீர்வாதங்களைப் பெற உதவி செய்கிறது.

இயேசு உங்களை நினைப்பதற்கும் கேட்பதற்கும் மேலாக மிகுதியாக ஆசீர்வதிப்பாராக. ஆமென்!