தனிப்பட்ட அனுபவங்கள்

எனக்கு 34 வயதாகிறது. நான் கடந்த 13 வருடங்களாக முழு நேர ஊழியத்தில் இருக்கின்றேன். ஏழு வருடங்களாக நானும் என்னுடைய கணவரும் சிக்காகோவில் இருக்கிறதான ஸ்தல சபையில் போதகர்களாக இருந்தோம். நாங்கள் வேத பாட வகுப்புகள், கருத்தரங்குகள், போதனைகள், பயிற்சிகள், வெளி ஊழியங்கள் என அநேக விதங்களில் செயல்பட்டு வந்தோம். மக்கள் இரட்சிக்கப்படுவதையும் தண்ணீர் ஞானஸ்தானம் பெறுவதையும், பரிசுத்த ஆவியினால் நிரப்பப்பட்டு, சீஷத்துவ வகுப்புகளில் கலந்து கொள்வதையும் பார்த்திருக்கிறோம். இருப்பினும், குறைவான கனிகள் உண்டாவதை கவனித்தோம்.

நான் ஒரு கிறிஸ்தவ டிவி சேனலில் பாஸ்டர் பிரின்ஸின் செய்திகளை கேட்கத் தொடங்கினேன். சில நாட்களுக்குப் பிறகு, பரிசுத்த ஆவியானவர் என்னை பாஸ்டர் பிரின்ஸின் Grace Revolution என்ற புத்தகத்தைப் படிக்க வழிநடத்தினார்.

என்னுடைய வாழ்வுக்கான நோக்கம் தமது குமாரனாகிய இயேசுவுக்குள் இருக்கிறது என்பதை தேவன் எனக்கு காண்பித்தபோது நான் கிறிஸ்தவனானேன். அந்த தருணத்திலிருந்து ஊழியத்தில் ஈடுபட்டு என்னுடைய மாவட்டத்தில் வாலிபர்களுக்கு மேற்பார்வையாளனாக ஊழியம் செய்ய தீர்மானித்தேன்.

என் மேல்நிலைப் பள்ளி நாட்களில், நான் மிகவும் குறும்புத்தனமாக முரடனாக இருந்தேன், எனது நண்பர்களுக்கு, பள்ளிக்கு மற்றும் குடும்பத்திற்கு பல பிரச்சனைகளை ஏற்படுத்தினேன். கும்பல்களில் ஈடுபட்டு, என்னையும் என்னை நேசித்தவர்களையும் காயப்படுத்தும் செயல்களில் ஈடுபட்டிருந்தேன்.