រឿងរ៉ាវផ្ទាល់ខ្លួន

កាលពីប៉ុន្មានខែមុន ខ្ញុំបានមើលសេចក្ដីអធិប្បាយមួយដោយលោកគ្រូយ៉ូសែប ព្រីនស៍។ នៅពេលនោះ ខ្ញុំមានអារម្មណ៍ធ្លាក់ទឹកចិត្ត និងឯកោបន្តិច។ នៅចុងបញ្ចប់នៃសេចក្ដីអធិប្បាយនោះ លោកគ្រូយ៉ូសែប បានចាប់ផ្តើមថ្លែងទំនាយអំពីការប្រោសឲ្យជា ហើយអ្វីមួយដែលគាត់បាននិយាយបានទាក់ទាញចំណាប់អារម្មណ៍របស់ខ្ញុំ។ គាត់បាននិយាយថា ព្រះអម្ចាស់ចង់ព្យាបាលអ្នកដែលព្រួយបារម្ភអំពីការជ្រុះសក់ពេញៗដៃជារៀងរាល់ថ្ងៃ ហើយគាត់បានអធិស្ឋានសុំឲ្យស្បែកក្បាលរបស់ពួកគេបានជាសះស្បើយ។

កាលនៅក្មេង ខ្ញុំគ្រាន់តែចង់ក្លាយជាមនុស្សល្អដែលធ្វើរឿងត្រឹមត្រូវ និងជៀសវាងការធ្វើរឿងអាក្រក់។ ខ្ញុំបានរៀបការ ហើយមានកូនប្រុសពីរនាក់។ ប៉ុន្តែខ្ញុំ និងស្វាមីតែងតែឈ្លោះទាស់ទែងគ្នា ដែលនាំឲ្យខ្ញុំគិតអំពីការលែងលះគ្នាច្រើនដង។ អនាគតហាក់ដូចជាអាប់អួរ ខណៈដែលខ្ញុំកំពុងមានបញ្ហាជាប់ស្ទះជាមួយនឹងការភ័យខ្លាច និងការថប់បារម្ភ ដោយមិនដឹងថាខ្ញុំនឹងអាចសងបំណុលផ្ទះ ឬមាន​លទ្ធភាពឲ្យកូនៗរបស់ខ្ញុំទៅរៀននៅសាកលវិទ្យាល័យដោយរបៀបណា។ ជាលទ្ធផល ខ្ញុំមានបញ្ហាជាប់ស្ទះជាមួយនឹងអត្តចរិតឆេវឆាវ ភាពតានតឹង និងការធ្លាក់ទឹកចិត្តយ៉ាងខ្លាំង។

កាលពីមួយខែមុន កូនស្រីរបស់ខ្ញុំត្រូវបានបញ្ឈប់ពីការងារ។ ស្វាមីរបស់ខ្ញុំក៏បានទទួលដំណឹងនៅដើមឆ្នាំនេះថា ក្រុមហ៊ុនដែលគាត់កំពុងធ្វើការនឹងត្រូវបិទទ្វារ​។ ខ្ញុំក៏គ្មានការងារធ្វើដែរ ដោយសារតែមានរបួសខ្នងផ្នែកខាងក្រោម។ អ្វីៗហាក់ដូចជាអាប់អួរ ហើយខ្ញុំព្រួយបារម្ភអំពីរបៀបដែលយើងនឹងបង់ថ្លៃចំណាយរបស់យើង។

លោកគ្រូ ព្រីនស៌ ខ្ញុំចាប់ផ្តើមស្តាប់សេចក្ដីបង្រៀនរបស់លោកគ្រូ នៅពេលដែលមិត្តខ្ញុំម្នាក់បានណែនាំឲ្យខ្ញុំស្ដាប់។ ខ្ញុំមិនសូវជឿពេលដំបូង ប៉ុន្តែភ្លាមៗនោះខ្លឹមសារមេរៀនហាក់ដូចជាប៉ះពាល់ និងសមស្របជាមួយវិញ្ញាណរបស់ខ្ញុំ។ ខ្ញុំក៏កាន់តែ​ស្ដាប់មេរៀនទាំងនោះបន្ថែមទៀត​។