ஒலிவ மரம் மற்றும் அபிஷேக எண்ணெயின் முக்கியத்துவத்தை புரிந்து கொள்ளுதல்

சிலுவையின் மூலம் வெளிப்பட்ட ஒலிவ எண்ணையின் நன்மைகள்

சில வருஷங்களுக்கு முன்னாடி இயேசுவின் சொந்த ஊரான கப்பர்நகூமில் நான் இருந்தப்பநான் ஒரு ஒலிவ எண்ணெய் ஆலையப் பார்த்தேன். ஒலிவப் பழங்கள் அந்த ஆலைலபோடப்பட்டு, ஒரு பெரிய கல்லை கொண்டு நசுக்கப்படுவதா வழிகாட்டி விளக்கினார். முதல் முறை பிழிவதிலிருந்து கிடைக்கும் எண்ணெய் யூத ஆலயத்தில் விளக்கு ஏற்ற பயன்படுத்தப்படுது. ரெண்டாவது முறை பிழிவதிலிருந்து கிடைக்கும் எண்ணெய் மருந்துக்காக பயன்படுத்தப்படுது. அதே சமயம் மூணாவது மற்றும் கடைசி முறை பிழிவதிலிருந்து கிடைக்கும் என்னை சோப்பு தயாரிக்க பயன்படுத்தப்படுது.

அந்த நேரத்துல “கெத்செமனேயில் இயேசுவுக்கு இதுதான் நடந்ததுன்னு” பரிசுத்த ஆவியானவர் எனக்கு வெளிப்படுத்தினார். “எண்ணெய் ஆலைன்னு” அர்த்தமுள்ள கெத்செமனே தோட்டத்துல இயேசு இருளின் நேரத்துல முதல் முதல்ல நசுக்கப்பட்டார் (லூக்கா 22:53). அதனால நாம ஒளில இருக்கவும், ஒளில நடக்கவும் முடியும்.

இயற்கையாகவே உங்களோட போட்டியாளர்கள், பேராசிரியர்கள், விஞ்ஞானிகளால் பார்க்க முடியாததை பார்க்கும்படி அந்த ஒளி உங்களுக்கு செய்து. பரிசுத்த ஆவியானவரே உங்களுக்கு ஆவிக்குரிய அறிவொளியை தர்றார். உதாரணமா ஜனங்க தாவீத ஆடு மேய்க்கிற ஒரு வாலிபனா பார்த்தாங்க. ஆனா சாமுவேல் பரிசுத்த ஆவியானவரின் அபிஷேகத்தின் கீழ, தாவீது கிட்ட ஒரு ராஜாவ பார்த்தான். எனவே அபிஷேகத் தைலம் தேவன் பாக்குறது மாதிரியே உங்கள பாக்க வைக்கும். அவர் பாக்குற மாதிரியே நீங்க பார்க்கிறப்ப அவர் அனுபவிப்பதை நீங்களும் அனுபவிப்பீங்க.

இயேசு கெத்செமனேல இருந்து கொண்டு வரப்பட்டு வாரினால் அடிக்கப்பட்டதற்கு பிறகு ரெண்டாவது பிழிதல் நடந்துச்சு. இயேசுவே நம்மோட “மருந்தாவார்,” ஏன்னா அவருடைய தழும்புகளால் குணமாகிறோம் (ஏசாயா 53:5).

எங்க சர்ச்சை சேர்ந்த ஒருத்தர் தன் இடது தொடைல கொஞ்ச நாட்களா சொறி சிரங்கு இருந்ததா என்கிட்ட சொன்னார். அவர் தன்னோட தொடைல பலவிதமான மருந்துகளை பூசியிருந்தார். ஆனா அந்தச் சிரங்கு குணமாகல. நான் முதல்முறையா அபிஷேக எண்ணெய் பற்றி பிரசங்கம் செஞ்சப்ப, அவர் கொஞ்சம் ஒலிவஎண்ணெய வாங்கி, அதுக்காக ஜெபம் செஞ்சுட்டு, ஒரு வாரம் அந்த எண்ணெயை பூசத்தொடங்குனார். இன்னைக்கு அவர் சொறிசிரங்குல இருந்து குணமாகிட்டார்!

எண்ணெய் சுத்திகரிப்புக்காக பயன்படுத்தப்பட்ட கடைசி பிழிதல் சிலுவைல நடந்துச்சு. பரிசுத்தமும், நீதியுமான தேவனோட முக்கியமான கோபத்தின் கீழே இயேசு நசுக்கப்பட்டார். நம்மோட பாவங்களுக்குரிய நியாயத்தீர்ப்பையும், தண்டனைகளையும் அவர் அனுபவிச்சார். அவரோட ரத்தம்நம்மள நம்மோட பாவங்கள்ல இருந்து சுத்திகரிச்சுருக்கு.

இயற்கையான ஒலிவ எண்ணெய நீங்க சாப்பிட்டாலோ இல்லனா பயன்படுத்தினாலோ தவிர அது உங்க மேல எந்த ஒரு தாக்கத்தையும் ஏற்படுத்தாது. ஆனா இயேசுவின் நாமத்தில் உங்க கைல இருக்கிற இயற்கையான ஒலிவ எண்ணெய் பாட்டில்மேல கை வச்சி நீங்க ஜெபம் பண்றப்ப, தேவன் அது தனியா பிரிக்கிறார், அப்ப அது பரிசுத்தமான அபிஷேக எண்ணெயா மாறுது. தேவனோட மகிமைக்காக அந்த எண்ணெய்ப் பயன்படுத்தி, உங்க வாழ்க்கைல அவரோட அற்புதங்களையும், தேவைகளை பூர்த்தி செய்றதையும், புதுப்பித்தலையும் பாருங்க!