இது இயேசுவோடு ஆழமான உறவை ஏற்படுத்த விரும்புவோருக்குரியதாகும்

5. உங்களுடைய தினசரி வாழ்க்கையில் இயேசுவை ஈடுபடுத்த தொடங்க உங்களுக்கு உதவும் சில வழிகள்:

நாட்குறிப்பு/இயேசுவுக்கு செய்தி அனுப்புதல்

உடல்ரீதியான டைரி எழுதுறது உங்களுக்கு பழசாதெரிஞ்சா, உங்க ஃபோன்லயே நீங்க அதை உருவாக்கலாம் இல்லனா இயேசு கூடஒரு சாட் குரூப் நீங்க வச்சுக்கலாம். நம்மோட ஃபோன்கள் 24 மணி நேரமும் நம்மோட கைகள்ல இருக்கிறதுனால நண்பர்களுக்கு மெசேஜ் பண்றது அல்லது வாய்ஸ் ரெக்கார்டு அனுப்புறது நமக்கு இயல்பான ஒரு விஷயமாகிடுச்சு. நீங்க இயேசுவுக்கும்கூட மெசேஜ் அனுப்பலாம்கிறத நீங்க எப்பவாவது யோசிச்சுருக்கீங்களா? ஒரு நெருங்கிய நண்பர் கூட பேசுறது மாதிரியே இயேசு கூட பேசுறதும் ரொம்பவே மகிழ்ச்சியா இருக்கும்.

நீங்க அவருக்கு வாய்ஸ் ரெக்கார்ட் அனுப்பலாம், லிங்க்குகள், வீடியோக்கள், ஃபோட்டோக்கள் ஆகியவற்ற அனுப்பலாம். சொல்லப்போனால் எதையும் அனுப்பலாம்! நீங்க சொல்றத கேட்கிறதுல அவர் எப்பவுமே சோர்ந்து போறது கிடையாது. அதோடு இது கொஞ்சம் மிகைப்படுத்தப்பட்டது மாதிரி தெரிஞ்சாலும், உண்மை என்னன்னா, இயேசு எப்பவுமே உங்க பக்கத்துலயே இருக்கார். மேலும் நீங்க சொல்றதக் கேட்கிறத அவர் ரொம்பவே விரும்புறார்.

சாதாரண தினசரி செயல்களிலும் அவரை அழையுங்கள்

நீங்க அவருக்காக ஒதுக்குற அந்த அமைதியான நேரத்துக்குள்ள இயேசு ‘சிக்கிகிறது கிடையாது’-அவர் உங்க கூட உட்கார்ந்து இருக்கார், உங்க கூட காபி குடிக்கிறார், ஏன், உங்க கூட உங்க வேலைகளையும் கூட செய்றார்!

இன்டர்நெட்ல வேடிக்கையான இல்லனா ஊக்குவிக்கிற எதையாவது நீங்க பார்த்தா அது அவர்கிட்ட சொல்லுங்க. யாராவது உங்க கோபத்தை தூண்டுற மாதிரி ஏதாவது சொல்றாங்களா? நீங்க அவர்கிட்ட உங்க ஆதங்கத்தை கொட்டலாம். நீங்க தினமும் சாயங்காலம் வாக்கிங் போக விரும்புனா, போற வழில நீங்க அவர் கிட்ட பேசிகிட்டே போகலாமே!

இயேசு இந்த பூமில வாழ்ந்தப்ப, அவர் எப்பவுமே வேலை மட்டுமே செய்றவரா இருக்கல. சொல்லப்போனா, மக்கள் கூட பழகுறத அவர் ரசித்தார்-நீங்க எந்த நேரத்துலயும் அவர்கூட பேசலாம் இல்லனா ஓய்வெடுக்கலாம்.

ஆவியில் ஜெபம் பண்ணுங்கள்

எனக்கு வார்த்தைகள் வராதப்ப, இல்லனா இயேசுவிடம் பேச தோனாதபோதோ பரிசுத்த ஆவிக்குள் ஜெபம் பண்றது எப்பவுமே எனக்கு உதவும். இது உண்மை சம்பவம் ஆகும்.

நான் எவ்வளவு அதிகமா ஜெபம் பண்றேன்னோ, அவ்வளவு அதிகமா அவர் கூட உரையாட நான் தயாராகிறேன். அதோடு எங்கள் நட்பு பற்றி நான் ரொம்ப மகிழ்ச்சி அடைகிறேன்–இந்த சுழற்சி மறுபடியும் மறுபடியும் தொடரும்! இது ஒரு சின்ன நீரோடை ஒரு பெரிய நீர்வீழ்ச்சியா மாறுறது மாதிரியான உணர்வத்தருது.

மனித புரிதலின் வரம்புகள் தோல்வியடையிறப்ப, நமக்கான தேவனோடு தனிப்பட்ட அன்பின் முழுமையை வெளிப்படுத்துறது நமக்குள்ள இருக்கிற பரிசுத்த ஆவியானவர் தான். (நீதிமொழிகள் 18:24TPT பார்க்கவும்).

அப்படின்னா, ஒவ்வொரு நாளும் இயேசு கூட நெருக்கமா நடக்கிறது எப்படி இருக்கும்? சுருக்கமா சொன்னா, இயேசு ஏற்கனவே உங்களைப் பற்றி எவ்வளவு நினைக்கிறார்ங்கிறதையும், உங்க கூட நெருக்கமா இருக்க விரும்புறார்ங்கிறதையும் தெரிஞ்சுக்கிறது தான் அதுவாகும்!

உங்களுக்கு நண்பராக இருக்கிறது இயேசுவுக்கு ரொம்பவே பிடிக்கும். அவர் கூட நீங்க வச்சுருக்கிற இந்த நட்பை முழுமையா அனுபவிச்சு, இந்த பயணத்தின் மூலமா அவரோட மனச இன்னும் நீங்க அதிகமா தெரிஞ்சுக்கணும்கிறது தான் என்னோட ஜெபமாகும்.