அந்நிய பாஷையில் ஜெபித்த பிறகு தாடை இலகுவானது வலி மறைந்தது

கடந்த ஆண்டின் ஆரம்பத்தில், ஒரு நாள் காலை நான் கண் விழித்து எழுந்த போது என்னுடைய வாயை என்னால் திறக்க முடியவில்லை. நான் திறக்க முயற்சித்த போது கிளக் என்ற சத்தம் கேட்டது. பல் துலக்குவதும் சாப்பிடுவதும் கொட்டாவி விடுவதும் கூட எனக்கு கடினமாக இருந்தது.

என்னுடைய வலி கிட்டத்தட்ட ஆறு மாதங்கள் நீடித்திருந்த நிலையிலும் சுகத்திற்காக நான் தேவனை நம்பி இருந்தேன். என்னால் திரவ உணவு அல்லது சிறு துண்டுகளாக வெட்டப்பட்ட உணவையே உண்ண முடிந்தது. என்னால் அகலமாய் என் வாயை திறக்க முடியவில்லை.

அப்பொழுது பாஸ்டர் பிரின்ஸ் அவர்களின் உங்கள் சரீரங்களை பழுதுபார்க்கும் ஜெபம் என்ற பிரசங்கத்தை கேட்டேன். அந்நிய பாஷையில் பேசுவது நம்முடைய ஆவி மனிதனை கட்டி எழுப்புவதோடு எப்படி நம்முடைய சரீரத்தில் பழுது பார்க்கப்பட வேண்டிய, கட்டப்பட வேண்டிய பகுதிகளை கட்டி அமைக்கிறது என்பதை கேட்ட பிறகு நான் ஆவியில் ஜெபிக்க ஆரம்பித்தேன்.

சில நாட்களுக்கு பின்பு என்னுடைய படுக்கையில் கண்களை மூடி படுத்துக் கொண்டிருக்கும்போது நான் அந்நிய பாஷையில் பேசிக் கொண்டிருந்தேன், என்னுடைய மனதில் ஏசாயா 41:15ல் “இதோ, போரடிக்கிறதுக்கு நான் உன்னை புதிதும் கூர்மையுமான பற்கள் உள்ள எந்திரமாக்குவேன்; நீ மலைகளை மிதித்து நொறுக்கி, குன்றுகளை பதருக்கு ஒப்பாக்கிடுவாய்.” என்று சொல்லப்பட்டிருக்கும் விதமாக, ஒரு மலை துண்டுகளாக வெடித்து சிதறுவதை பார்த்தேன்.

என்னுடைய தாடை பகுதியில் ஒருவித வித்தியாசமான உணர்வை நான் உணர்ந்த போது என்னுடைய ஊடுருவலை பெற்றுக் கொண்டேன். மறுநாள் காலை கண் விழித்து எழுந்தபோது சற்று பல் வலி இருப்பது போல உணர்ந்தேன், என் தாடை இலகுவானதை உணர்ந்தேன். உடனே தேவன் என்னை குணமாக்கினார் என்பதை அறிந்து கொண்டேன். அது அருமையாய் இருந்தது!

ஆண்டவராகிய இயேசுவே உமக்கு நன்றி. தேவனுடைய வார்த்தையை எங்களோடு பகிர்ந்து கொண்டதற்கு பாஸ்டர் பிரின்ஸ் உங்களுக்கும் எனது நன்றி.