தனிப்பட்ட அனுபவங்கள்

இந்த ஆண்டின் துவக்கத்தில் ஆஸ்திரேலியாவில் எங்களுடைய பட்டணத்தில் 30 ஆண்டுகளாக கண்டிராத மோசமான புயல் உண்டானது. என்னுடைய கணவனார் அந்த புயலுக்கு முன்பதாக எங்களுடைய வீட்டில் உள்ள அனைத்தையும் பாதுகாப்பாக பத்திரப்படுத்திக் கொண்டிருந்தபோது நான் எங்களுடைய இருப்பிடத்தை சுற்றிலும் எண்ணெய் பூசி தேவனுடைய பாதுகாப்பிற்காக நன்றி செலுத்தி கொண்டு இருந்தேன்.

என்னுடைய பிள்ளைகள் கிறிஸ்தவ குடும்பத்தில் வளர்க்கப்பட்டார்கள். சிறுவயதிலேயே இரட்சிக்கப்பட்டார்கள். சில வருடங்களுக்கு முன்பாக 20 வயதான என்னுடைய மகள் வீட்டை விட்டு வெளியேறிவிட்டாள், எங்கள் குடும்பத்தோடு தொடர்பு கொள்ளுவதை நிறுத்திவிட்டாள், போதைப் பொருட்களுக்கு அடிமையாகி, மரபுகளை விட்டு, செய்ய தகாத பழக்கங்களில் ஈடுபட்டாள். அவள் வியாகுலத்தினாலும் வேதனையின் தாக்குதலினாலும் மிகவும் பாதிக்கப்பட்டாள். அவளை அப்படி பார்ப்பது மிகவும் வேதனையாக இருந்தது, ஏனென்றால் உங்களுக்கு அவளைத் தெரிந்திருந்தால் அவள் எவ்வளவு இனிமையானவள், இப்படிப்பட்ட அழகான மகள் வேண்டும் என்று நினைப்பீர்கள்.

சங்கீதம் 91 பற்றிய பாஸ்டர் பிரின்ஸ் அவர்களின் செய்தியை கேட்டதிலிருந்து தேவனுடைய பாதுகாப்பை தத்ரூபமாக நான் அனுபவிக்க ஆரம்பித்தேன். கர்த்தர் என் அடைக்கலமும் கோட்டையுமாய் இருக்கிறார் என்பதை அறிக்கை செய்துகொண்டு இருந்தேன். நான் அவருடைய செட்டைகளின் கீழ் பாதுகாப்பாய் இருக்கிறேன் என்பதை பிரகடனம் பண்ணினேன்.